تو در منی آنگاه که مبارزه می کنم دوستت دارم. "ناظم حکمت" 

گوم _گوم گومبولداییرسان قولاغیمدا. گوجسوزلویومو ﮔﺆروب داها آرتیق شیلتاق آتیرسان. اﯙره ییم بو ﻳﯚک لری داشیا بیلمز، آنلایا بیلمیرسن. یاساقلی دویغولارلا دولیر بوشالیرسان ایچیمده. چیریل_چیلپاق اولدوغومدان چکینمیرسن، تپه دن دیرناغیم قدر ساریشیرسان هیکلیمه....اﯗلوم کیمی اوچوروم دا گوزله ییرسن منی.

 منی یاشادان شوعارلاریم نه فرق ائدیر هاردا اولدوغونوز؟! یاردیمیم اولمیاجاقسینیز. آچدیغیم هر شانس قوطوسو تک بوم_بوشا چیخیرسینیز. داریلان، سیخیلان کونلومه چاره ائتمیرسینیز. آرتیق سیزه آلداتیلمایاجاغام.

...چوخ اوزاق امما شیمدی عوصیانیم اووجومدا سیخیلیر. عادتا داریخیرام سنی بهانه ائدیب یاشلانیرام. یئنه گئجیک میشم شوبهه لر ایچینده. بیرده سئوسیدین، آیین_شایین دئیردیم: سئودیجه ییم "یاساقلی آلما کیمی اویناشیر سان ایچیمده، سئویر ه م سنی."

1) شعرچوخ گوزل ترجومه اولدوغو ایچین اونو فارسجا گتیردیم. 

    2) همشه دئیرم بو دا آخری دی.داها یازمایاجاغام اما سوزومو توتا بیلمیرم و ئینی دن یازیرام. بیلمیرم حایات منه بورجون ائوده مک ایسته ییر یوخسا من حایاتا! 

   3) شیطانین قولاغی کار ائله بیل قارداشــــــــــــیم یازماغین باشلا ییب. سایین قارداشیم بو گون وئبلاقینیزی گوروب سئویندیم. دوشونجه لریمی سیزین یازیلارینیز لا صیقل وئره جه یم. یولونوز داواملی اولسون دئییر ه م و سیزه اوغورلار آرزیلاییرام.