اﺆیرنمه میشدیم سئومه یی، اﺆیرته مه میشدیم امما نه یاخجی باجاریردیم ﻋﺆمرومون ساوورماغین!

بودا اوچونجو سیقارا... قورتاراجاغام بو یاغیشلا و ایچیمده ان ﺑؤیوک هوسینی بوغاجایام.

جیزیرام ماسانی دیرناغیم لا

 "بوراسی سون دوراق

                     سن،یوخسان

                          اولدوغون کیمی".■

یاخین گون لرین بیرینده مجبوراولاجاقسان هارا گئتدینی بیله سن، سونرا مجبورسان یولارا دوشوب گئدسن. بیرآنی دا الدن وئره بیلمه یه جکسن. "سالینجر"

یاغیشلا یوونورام. سئودییم دونومی گئییره م. ساچلاریمی توپلاییب بیریئره، اونلاری قیرمیزی روبان لا باغلاییرام.

گوزلریمین اولدوزلارین اﺅنه چیخاردیب ....

مکاپ ائدیره م  سونوندا دوداقلاریمی بویاییرام.

سون قویورام منی ایزله یین قورخولارا. یولارا دوشورم.

کندیم له باریشیرام.

 جان آلیرام.

 سندن قیرلمایاجاغام دئییره م.

سویوق — سویوق سئومک دن سه ﻨﺆبتیم یئتیشرکن، بیلیطیمی آلیب سوره جه یم یولاری

.... من سیزلییم  قورتارسین دییه.

یابانجی شهریم له دوستلوق قاتاجاغام. اولجه ماهنیسینی اﺅیره نیب حافیظه مه تاپشیراجاغام. سونرا

... سونرا داغلارینی آشاجاغام، چیچک لرینی قوخلایاجاغام.

ﺑﺆیله، ساده جه اونا اینانیب، اونا باغلانیب اونی سئوه جه ییم .

نه لازیم عیناد ائتمه یه، اونون اولماق اوچون سریله جه ییم  یولارینا

.... اﺆزگورلوک منی ﮔﺆزله ییردییه.■