| تبليغات | X |
سئوگی،سئوگی ایله
درد،دردله اونودولور.
اونودولاجاق بوتون سئودالار،
اونودولاجاق بوتون نغمه لر،
اونودولاجاق اونولمازهرنه وار،
آنجاق من سنی هرباهار
یئنی دن سئومک اوچون یئنی دن
اونوداجاقام
ان گوزل خاطیره ده
ان آجی گوزیاشی تک اودولور،
اودولور،اونودولور.
سئوگی، سئوگی ایله 
درد،دردله،
انسان، انسان لا،
عیسی ،موسایلا اونودولور.
حددن چوخ شیء بیلیریک بو دونیادا،
بوش شیئ دی!
اونودولاجاق هامیسی،
هر باهار اونوتدوق لاریمیزی،
تیکانا عاشیق،
چیچه یه سارماشیق شکلینده
چیخاجاق زاماندان،
آنجاق تورپاقدان،داغدان،داشدان
چیخیرمیش تک گورونه جک بیزه ـــــ
ان سولغون چیچکلر
ان سولغون اولدوزلاری سئوه جک یئنه ده.
باهاری اونودولمیش چیچه دییم.
هر شیء اونودولور،
گل،بو نغمه اونودولمامیش
اوینایاق بو نغمه نین هاواسینا. "واقیف بایاتلی"